06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ոչ մի նոր ձեռքբերում 2023 թ-ին․ ի՞նչ է հայտարարագրել Անդրանիկ Քոչարյանը
Հասարակություն
13.05.2024 | 14:30
ԱԺ պաշտպանության և անվտանգության հարցերի մշտական հանձնաժողովի նախագահ, իշխող «Քաղաքացիական պայմանագիր» խմբակցության անդամ Անդրանիկ Քոչարյանը պատգամավորներից առաջիններից է, որ Կոռուպցիայի կանխարգելման հանձնաժողով է ներկայացրել 2023 թ-ի գույքի և եկամուտների հայտարարագիրը։
Ըստ այդմ՝ նա Երևանում ունի 2 բնակարան և 1 ավտոտնակ։ Ավտոմեքենա Քոչարյանը չունի, ինչպես նաև՝ բաժնեթղթեր, ավանդներ, թանկարժեք իրեր։
Պատգամավորի բանկային հաշիվներին տարեվերջի դրությամբ եղել է 88 դոլար, 1000 եվրո, մոտ 5․8 մլն դրամ։ Որպես կանխիկ դրամ Քոչարյանը հայտարարագրել է 2000 եվրո, 3000 դոլար և 4․7 մլն դրամ։
Ա․ Քոչարյանի եկամտի միակ աղբյուրը պատգամավորի աշխատավարձն է, որ 2023 թ-ին կազմել է 13 մլն դրամ։
Պատգամավորի կինը՝ Լուսինե Քոչարյանը, չի աշխատում, եկամուտ չի ստացել։ Նրա բանկային հաշվին տարեվերջին եղել է 500 դոլար և 135 հազար դրամ, իսկ կանխիկ ունեցել է 2700 դոլար։ Լ․ Քոչարյանը չունի որևէ անշարժ կամ շարժական գույք։
Գայանե Խաչատրյան
