14.12.2025 | 20:34
Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում
Բագրատ սրբազանի հետ սուրճ էլ եմ խմել, հաց էլ եմ կերել, վերջերս շփումներ չունեմ. Ղալումյան․ ՏԵՍԱՆՅՈՒԹ
Քաղաքականություն
13.05.2024 | 13:18
«Բագրատ Սրբազանն իր հիմնական գործը թողել, ուզում է զբաղվել քաղաքականությամբ»,- ԱԺ-ում լրագրողների հետ ճեպազրույցի ժամանակ կարծիք հայտնեց«Քաղաքացիական պայմանագիր» խմբակցության պատգամավոր Վահե Ղալումյանը՝ պատասխանելով հարցին, թե պատրա՞ստ է արդյոք ընդունել Բագրատ Սրբազանի՝ սուրճ խմելու հրավերը։
Նրա կարծիքով՝ Բագրատ արքեպիսկոպոս Գալստանյանն անհաջող մեկնարկ է արել: «Ես Բագրատ Սրբազանի հետ սուրճ էլ եմ խմել, հաց էլ եմ կերել, մենք բավականին մտերիմ հարաբերություններ ենք ունեցել, բայց վերջերս հարաբերությունները սառել են, շփումներ չունեմ»,- նշեց իշխանական պատգամավորը։
Վահե Ղալումյանը ծիծաղելի է համարում Նիկոլ Փաշինյանին իմպիչմենթ հայտարարելու գործընթացը։ «Իմպիչմենթի օրակարգ չկա, գոյություն չունի։ Թիմում անհանգստություն բացարձակ չկա։ Գործընթաց էլ չկա, տեսնում եմ, որ շարժումը մարում է»,- նշեց նա։
Մանրամասները՝ տեսանյութում։
