14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Ֆրանսիան ողջունում է Ալմաթիում Հայաստանի և Ադրբեջանի ԱԳՆ ղեկավարների հանդիպումը ու կոչ անում շարունակել սահմանազատումը ապրիլի 19-ին համաձայնեցված սկզբունքներով
Քաղաքականություն
13.05.2024 | 10:49
Ֆրանսիան ողջունում է մայիսի 10-ին և 11-ին Ալմաթիում Հայաստանի և Ադրբեջանի ԱԳ նախարարների միջև նոր բանակցությունների անցկացումը։ Այս մասին ասվում է Ֆրանսիայի ԱԳՆ-ի հայտարարության մեջ։
Փարիզն ընդգծում է որպես գործընթացի հիմք 1991 թվականի Ալմաթիի հռչակագրին ու տարածքային ամբողջականության փոխադարձ ճանաչմանը Երևանի ու Բաքվի հավատարմությունը վերահաստատելու կարևորությունը՝ 2022 թվականի հոկտեմբերի 7-ին Պրահայում կայացած քառակողմ հանդիպմանը համահունչ։
Ֆրանսիան կոչ է անում այս համատեքստում շարունակել սահմանի սահմանազատումը 2024 թվականի ապրիլի 19-ին համաձայնեցված սկզբունքների հիման վրա։ Միևնույն ժամանակ, կոչ էր արվում շարունակել քննարկումները երկու երկրների միջև՝ խաղաղության պայմանագրի ստորագրման նպատակով։
«Մենք ողջունում ենք Ղազախստանի իշխանությունների նախաձեռնությունը՝ նպաստելու այդ բանակցությունների անցկացմանը։ Ֆրանսիան իր գործընկերների կողքին կշարունակի աշխատել Հարավային Կովկասում արդար և կայուն խաղաղություն հաստատելու ուղղությամբ՝ միջազգային իրավունքին համապատասխան»,- ասվում է հայտարարության մեջ։
