25.08.2026 | 21:53
Սեպտեմբերի 1-ից դպրոցների հարակից տարածքներում ոստիկանությունը կանցկացնի ուժեղացված ծառայություն
Ոստիկանությունը 88 քաղաքացու բերման է ենթարկել. ԼՈՒՍԱՆԿԱՐՆԵՐ
Հասարակություն
13.05.2024 | 10:19
Այսօր՝ մայիսի 13-ին, Նիկոլ Փաշինյանի հրաժարականը պահանջող ակցիաների ժամանակ բերման է ենթարկվել 88 քաղաքացի։ Տեղեկությունը Factor.am-ի հետ զրույցում հայտնեց ՆԳ նախարարության խոսնակը։
Հիշեցնենք` առավոտից ակցիաներ են իրականացվել Ազատության, Գայի, Տիգրան Մեծի պողոտաներում։
ՆԳՆ-ից հայտնում են, որ քաղաքացիները բերման են ենթարկվել ոստիկանության օրինական պահանջը չկատարելու հիմքով։
Ըստ ՆԳՆ-ի՝ այս պահին Հայաստանում փակ փողոցներ չկան։
Այս գործողությունների մասին երեկ հայտարարել էր Տավուշի թեմի առաջնորդ Բագրատ արքեպիսկոպոս Գալստանյանը։ Նա ավելի վաղ պահանջել էր Փաշինյանի հրաժարականը, սակայն Նիկոլ Փաշինյանն այդ պահանջն անարձագանք էր թողել, միայն նրա թիմակիցները հայտարարեցին, որ Փաշինյանը ՀՀ լեգիտիմ ընտրված վարչապետ է։
