Հասարակություն
27.08.2018 | 12:02Արվեստագետներն ու մշակութային գործիչները շատ հաճախ հնարավորություն չեն ունենում իրենց ամբողջությամբ դրսևորել ոլորտում առկա մենաշնորհների պատճառով, հետևաբար նախարարությունը, նպատակ ունենալով օրենսդրական փոփոխություններ իրականացնել, լուծելու է մշակութային մենաշնորհների հարցը։
Այս մասին այսօր հրավիրված մամուլի ասուլիսի ժամանակ ասաց մշակույթի նախարար Լիլիթ Մակունցը՝ նշելով, որ նախարարությունը փոփոխություններ է իրականացնելու, որոնք պայքարելու են նաև հովանավորչության դեմ։
Իսկ ինչ վերաբերում է կոչումների տրամադրմանը, ինչը տարիներ շարունակ խնդրահարույց է եղել, կոչումների ինստիտուտն էլ հաճախ արժեզրկվել է, նախարարը նշեց, որ թեև այս պահին չկա համապատասխան քաղաքականություն, սակայն խստագույնս հետևելու են այն բոլոր ընթացակարգերին, որոնցով տրամադրվում են կոչումները։
«Նախ պետք է անկախ գործեն բոլոր այն հանձնաժողովները, որոնք տրամադրում են այդ կոչումները»,- ասաց նախարարը և հավելեց, որ նախարարության կողմից միևնույն ժամանակ չի լինելու նաև ճնշում այդ հանձնաժողովների վրա։
Մանրամասները՝ տեսանյութում։
