Հասարակություն
27.08.2018 | 11:21Մշակույթի նախարար Լիլիթ Մակունցն այսօր հրավիրված մամուլի ասուլիսի ընթացքում ամփոփեց իր պաշտոնավարման 100 օրը։
Նախարարը նշեց, որ այս 100 օրերի ընթացքում իրականացրել են բազմաթիվ միջոցառումներ, որոնց շրջանակում 7 կառույց ստացել է հուշարձանի կարգավիճակ, Շիրակի պետական համալսարանին տրամադրվել է նոր մասնաշենք, մշակվել և ներդրվել է աշակերտներին՝ մշակութային օջախներ այցելելու՝ աբոնեմենտային համակարգ, դադարեցվել են Հին Երևանի տարածքում իրականացվող ապօրինի շինարարությունները։
Նախարարը թվեց այլ ծրագրեր ևս, որոնք իրականություն են դարձել այս 100 օրերի ընթացքում, և շեշտեց, որ աշխատանքներ են տարվում մշակույթի նախարարության կառուցվածքային փոփոխությունների ուղղությամբ ևս՝ նախարարության արդյունավետությունը բարձրացնելու համար։ «Պատրաստվում ենք նաև Ֆրանկոֆոնիայի շրջանակներում միջոցառումների իրականացմանը»,- նշեց նախարարը։
Մանրամասները՝ տեսանյութում։
