22.11.2024 | 19:45
16-ամյա աղջկա սպանության մեղադրանքով արդարացվածները կրկին կանգնեցին դատարանի առաջ. ՄԻԵԴ վճիռն անտեսվեց. ՏԵՍԱՆՅՈՒԹ
Չի՛ ստացվելու զավթել իշխանությունը՝ անկախ նրանից ինչ տեսքով կգան՝ մի օր փողկապով, մի օր վեղարով․ Հայկ Կոնջորյան․ ՏԵՍԱՆՅՈՒԹ
Քաղաքականություն
10.05.2024 | 13:30
Շարժման առաջնորդները պորտալարով կապված են Ռոբերտ Քոչարյանի և Սերժ Սարգսյանի հետ, Factor TV-ի հետ զրույցում համոզմունք հայտնեց ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը։ Նրա դիտարկմամբ՝ շարժումը քաղաքական որևէ բովանդակություն չի հնչեցրել։
«Չի կարելի ժողովրդի իշխանությունը, որը ձևավորվել է ընտրություններով, փորձել ժողովրդին շրջանցելով փոխել, դա քաղաքական ջեբկիրություն է։ Չի՛ ստացվելու զավթել իշխանությունը՝ անկախ նրանից ինչ տեսքով կգան՝ մի օր փողկապով, մի օր վեղարով»,- հայտարարեց ՔՊ խմբակցության ղեկավարը։
Հիշեցնենք, որ երեկվա հանրահավաքի ժամանակ Տավուշի թեմի առաջնորդը Նիկոլ Փաշինյանին մեկ ժամ ժամանակ տվեց հրաժարական ներկայացնելու համար։ ԱԺ ՔՊ խմբակցության ղեկավար Հայկ Կոնջորյանը ֆեյսբուքում գրառում էր արել՝ արձագանքելով Հանրապետության հրապարակում հնչած պահանջին։ «Հայաստանի Հանրապետության ընտրված վարչապետ Նիկոլ ՓԱՇԻՆՅԱՆ» ,- գրել էր Կոնջորյանը՝ հրապարակելով Փաշինյանի լուսանկարը, ըստ էության, անուղղակի պատասխանելով հրաժարականի պահանջին։
Բագրատ արքեպիսկոպոս Գալստանյանը նաև խորհրդարանական ընդդիմադիր խմբակցությունների հետ խորհրդակցություն անցրացրեց՝ Փաշինյանին անվստահություն հայտնելու գործընթաց սկսելու վերաբերյալ։
