07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ձեր սիրած ու չսիրած անուններն են քննարկվում որպես վարչապետի թեկնածու․ Բագրատ արքեպիսկոպոս Գալստանյան․ ՏԵՍԱՆՅՈՒԹ
Քաղաքականություն
10.05.2024 | 10:44
«Վարչապետի թեկնածուի տարբեր անուններ քննարկվում են, ձեր սիրած ու չսիրած անուններն են քննարկվում»,- այս մասին առավոտյան Հանրապետության հրապարակում լրագրողների հետ ճեպազրույցում ասաց Բագրատ արքեպիսկոպոս Գալստանյանը՝ պատասխանելով հարցին, թե ով լինելու իրենց վարչապետի թեկնածուն։
Լրագրողները ճշտող հարց ուղղեցին՝ բացառո՞ւմ է, որ երկրորդ նախագահ Ռոբերտ Քոչարյանը կարող է լինել իրեն վարչապետի թեկնածուն, նա արձագանքեց․«Բացառում չէ, այդպիսի հարց չկա հրապարակում։ Այդ միֆն իրենք ստեղծեցին։ Ես Ռոբերտ Քոչարյանին մի անգամ 2001-ին եմ տեսել»։
«Խորհրդարանական խմբակցությունները կքննարկեն, որոշակի խորհրդակցություն կլինի։ Ի վերջո, համաձայնություն կգոյանա, թե ով կլինի, ում անձի շուրջ կլինի։ Ամբողջ քաղաքական դաշտը միախորհուրդ կլինի այդ անձի շուրջ»,- նշեց Տավուշի թեմի առաջնորդը։ Բագրատ արքեպիսկոպոս Գալստանյանի խոսքով վարչապետի թեկնածուն կարող է լինել նաև այլ քաղաքական ուժերից։
Հիշեցնենք, որ երեկվա հանրահավաքի ժամանակ Տավուշի թեմի առաջնորդը Նիկոլ Փաշինյանին մեկ ժամ ժամանակ տվեց հրաժարական ներկայացնելու համար։ ԱԺ ՔՊ խմբակցության ղեկավար Հայկ Կոնջորյանը ֆեյսբուքում գրառում էր արել՝ արձագանքելով Հանրապետության հրապարակում հնչած պահանջին։ «Հայաստանի Հանրապետության ընտրված վարչապետ Նիկոլ ՓԱՇԻՆՅԱՆ» ,- գրել էր Կոնջորյանը՝ հրապարակելով Փաշինյանի լուսանկարը, ըստ էության, անուղղակի պատասխանելով հրաժարականի պահանջին։
Նա նաև խորհրդարանական ընդդիմադիր խմբակցությունների հետ խորհրդակցություն անցրացրեց՝ Փաշինյանին անվստահություն հայտնելու գործընթաց սկսելու վերաբերյալ։
Մանրամասները՝ տեսանյութում։
