Եկեղեցին չի՛ կարող սահմանազատմամբ զբաղվել, թող իր բարեփոխումներով զբաղվի․ կա պետություն, որը կպաշտպանի ազգային շահերը․ Մելիքսեթյան․ ՏԵՍԱՆՅՈՒԹ

Հայտնի դարձավ Նիկոլ Փաշինյանի և Վլադիմիր Պուտինի հանդիպման արդյունքներից մեկը։ Համաձայն ձեռք բերված պայմանավորվածության՝ 44-օրյա պատերազմի ընթացքում և դրանից հետո Տավուշի, Սյունիքի, Վայոց ձորի, Գեղարքունիքի, Արարատի մարզերում տեղակայված ռուս սահմանապահ և զինվորական կետերը կդադարեցնեն իրենց տեղակայումը և դուրս կգան այդ կետերից։

Հաստատվել է նաև «Զվարթնոց» օդանավակայանում ՌԴ սահմանապահների գործունեությունը դադարեցնելու որոշումը: Պեսկովը ևս հաստատել է այս տեղեկությունը։

Քաղաքագետ Սամվել Մելիքսեթյանը Factor TV-ին տված հարցազրույցում ասում է, որ Ռուսաստանի քաղաքականությունը Հարավային Կովկասում ոչ արդյունավետ է եղել՝ արդյունք չի տվել առճակատման քաղաքականությունը, և հիմա փորձում է կառուցողական որոշ քայլերով մեղմացնել հայ-ռուսական հարաբերություններում առկա ճգնաժամը։

«Ակնհայտ է, որ Հայաստանը Ռուսաստանին այլևս չի ընկալում որպես անվտանգային երաշխիք, շահագրգռված չէ նախկինում եղած հարաբերություններով։ Դրանք շատ անհավասար էին, և ՌԴ-ն հասկանալով, որ այլևս չունի նախկին լծակները, դուրս է եկել Ադրբեջանից, փորձում է իրենց ցույց տալ կառուցողական»,- ասաց Սամվել Մելիքսեթյանը։

Քաղաքագետը խոսել է նաև մայիսի 9-ին Հանրապետության հրապարակում ընդդիմության և եկեղեցականների հրավիրած հանրահավաքի, սահմանազատումը կասեցնելու «Տավուշը հանուն հայրենիքի» շարժման պահանջի, Ալմա-Աթայի հռչակագրի հիման վրա՝ սահմանազատում անելու իշխանության առաջարկին եղած այլընտրանքների կամ դրանց բացակայության հարցի, պատերազմի սպառնալիքի տակ սահմանազատման պրոցեսի, խաղաղության պայմանագիր կնքելու հավանականության և այլ թեմաների մասին։

Հարցազրույցն ամբողջությամբ՝ տեսանյութում։

Ռոբերտ Անանյան