22.07.2026 | 12:10
Զինծառայող է մահացել // Հայտնի է ԱԺ առաջին նիստի օրը․ ԼՈՒՐԵՐ
Վրաստանում բողոքի ցույցի 6 մասնակից է բերման ենթարկվել
Քաղաքականություն
09.05.2024 | 16:16
Վրաստանում վեց մարդ է բերման ենթարկվել «օտարերկրյա գործակալների» մասին օրինագծի դեմ ցույցերի ժամանակ, հաղորդում է Sputnik-ի վրացական ծառայությունը՝ վկայակոչելով երկրի Ներքին գործերի նախարարությանը։
«Թբիլիսում վեց մարդ է բերման ենթարկվել՝ օտարերկրյա գործակալների մասին օրենքի դեմ ցույցերի ժամանակ ոստիկանի վրա հարձակվելու և գույքին վնաս պատճառելու մեղադրանքով»,- ասել է ՆԳՆ ներկայացուցիչը։
Իրավապահ մարմինների տվյալներով՝ ձերբակալվածներից մեկը, իբր, ապրիլի 16-ին առարկա է նետել ոստիկանների ուղղությամբ, ինչի արդյունքում մեկ սպա վիրավորվել է։ Նույն օրը երկրորդ ձերբակալվածը վնասել է պարեկային մեքենան։
«Մայիսի 1-2-ին ևս երեք ձերբակալվածներ կոտրել են ՆԳՆ-ի և Պետական անվտանգության հատուկ ծառայության տեսահսկման տեսախցիկները։ Վեցերորդ ձերբակալվածը նույն օրերին վնասել է խորհրդարանի դարպասները և քար նետել շենքի բակ, ինչի հետևանքով տուժել է Արտակարգ իրավիճակների կառավարման ծառայության հրշեջ-փրկարարը»,- պարզաբանել են ՆԳՆ-ից։
Վրաստանի խորհրդարանը մայիսի 1-ին երկրորդ ընթերցմամբ ընդունել է «օտարերկրյա գործակալների» մասին օրինագիծը։ Այս պատճառով Թբիլիսիում ամենօրյա հանրահավաքներ են անցկացվում։
