07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Պեսկովն «անհրաժեշտ և սպասված» է անվանել Պուտին-Փաշինյան առաջիկա բանակցությունները
Քաղաքականություն
08.05.2024 | 13:30
ՌԴ նախագահ Վլադիմիր Պուտինի և Հայաստանի վարչապետ Նիկոլ Փաշինյանի առաջիկա բանակցությունները, որոնք տեղի կունենան այսօր Կրեմլում, անհրաժեշտ են և սպասված: Այս մասին լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Աշխատանքային օրվա ավարտին նախատեսվում է նաև երկկողմ առանձին հանդիպում նախագահ Պուտինի և Հայաստանի վարչապետ Փաշինյանի միջև։ Հանդիպումն անհրաժեշտ է և սպասված երկու կողմից»,- ասել է Պեսկովը։
Նշենք, որ Նիկոլ Փաշինյանն աշխատանքային այցով մեկնել է ՌԴ, որտեղ նրա նախագահությամբ տեղի է ունենալու Եվրասիական տնտեսական բարձրագույն խորհրդի նիստը։ Նախատեսվում է նաև Փաշինյանի հանդիպումը Պուտինի հետ։
