23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Ալիևի ներկայացուցիչը հայտարարել է, որ եթե «Երևանը հրաժարվի Զանգեզուրով անցնող ճանապարհից, Ադրբեջանը երթուղի կկառուցի Իրանի տարածքով»
Քաղաքականություն
08.05.2024 | 12:56
Ադրբեջանի նախագահ Իլհամ Ալիևի հատուկ հանձնարարությունների գծով ներկայացուցիչ Էլչին Ամիրբեկովը գերմանական Zeit պարբերականին տված հարցազրույցում ասել է, թե «2020 թվականի հրադադարի հայտարարությամբ Զանգեզուրից կարող է կառուցվել համատեղ ճանապարհ և երկաթուղի», որի շնորհիվ, ըստ նրա, «Հայաստանը կկարողանա դուրս գալ մեկուսացումից, տարանցման վճարներ հավաքել և բարելավել հարաբերությունները Թուրքիայի հետ»։
Ալիևի ներկայացուցիչն ասել է, որ «եթե պաշտոնական Երևանը հրաժարվի Զանգեզուրով անցնող ճանապարհից և երկաթուղուց, Ադրբեջանը նման երթուղի կկառուցի Իրանի տարածքով»։
«Մենք կարող ենք ճանապարհ և երկաթուղի կառուցել Իրանով, և այն կլինի ընդամենը տասը կիլոմետր երկար»,- ասել է նա։
Պատերազմի հավանականության մասին հարցին ի պատասխան՝ Ամիրբեկովը հայտարարել է, որ «այն ընդհանրապես չի լինի»։
