15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Մոսկվայում մայիսի 9-ի շքերթին Հայաստանի և Ադրբեջանի ղեկավարները չեն մասնակցի
Քաղաքականություն
06.05.2024 | 18:52
Մայիսի 9-ին Մոսկվայում նախատեսված շքերթին հրավիրված են բարեկամ երկրների դիվանագիտական առաքելությունների ղեկավարները և ռազմական կցորդները։ Այս մասին ճեպազրույցում ասել է ՌԴ նախագահի օգնական Յուրի Ուշակովը։ Նա խոսել է նաև միջոցառմանը հրավիրված երկրների ղեկավարների մասին, գրում է ՏԱՍՍ-ը։
«Շքերթին ներկա կլինեն Բելառուսի, Ղազախստանի, Ղրղզստանի, Տաջիկստանի և Թուրքմենստանի ղեկավարները։ Հայաստանի և Ադրբեջանի ղեկավարները չեն կարողանա ներկա գտնվել։ Միաժամանակ, Ադրբեջանում անցկացվում են հանդիսավոր միջոցառումներ՝ նվիրված Հեյդար Ալիևի հիշատակին»,- ասել է Ուշակովը։
Նա նշել է, որ Կուբայի և Գվինեա Բիսաուի նախագահները նույնպես հրավիրված են։
Ըստ Ուշակովի՝ միջոցառմանը հրավիրված են ԱՊՀ կառույցների, Ռուսաստանի և Բելառուսի միութենական պետության, ՀԱՊԿ-ի, ԵՏՄ-ի, ՇՀԿ-ի կառույցների ղեկավարները, «բարեկամ պետությունների դիվանագիտական առաքելությունների ղեկավարները, ինչպես նաև բարեկամ պետությունների ռազմական կցորդները»։
