12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Կիրանցի ճանապարհից վրանները հանել են, բայց գյուղի մուտքերը դեռ փակ են
Քաղաքականություն
03.05.2024 | 11:02
Հայաստան-Վրաստան միջպետական ճանապարհի Կիրանցի հատվածում գյուղացիները հեռացրել են վրանները՝ բացելով ճանապարհը, այս մասին Factor.am-ին տեղեկացրեց Կիրանցի վարչական ղեկավար Կամո Շահինյանը։
Նա հերքեց լուրերը, թե վրանները հեռացրել են ոստիկանական ուժի կիրառման հետևանքով։ Վարչական ղեկավարի խոսքով, սակայն, ոստիկանների կողմից փակ են մնում Կիրանցի մուտքերը՝ Սարիգյուղի և Ոսկեպարի հատվածներից։
«Վրանների մնալը, երևի, արդեն իմաստ էլ չուներ։ Դե, ինչ անենք, ամեն բնակչի կողքին 15 ոստիկան է կանգնած։ Անձնագրով են ներս թողնում միայն Կիրանցի բնակիչներին, ուրիշ մարդու թույլ չեն տալիս գյուղ մտնել»,- մանրամասնեց նա։
Հիշեցնենք, որ Կիրանցի բնակիչներն ապրիլի 19-ից փակ էին պահում Կիրանց- Ոսկեպար ճանապարհը՝ դեմ արտահայտելով սահմանազատման վերաբերյալ իշխանությունների որդեգրած քաղաքականությանը։
Երեկ վաղ առավոտյան ոստիկանները ուժ գործադրով բերման էին ենթարկել ակցիայի 30 մասնակցի, այնուհետև ազատ արձակել։
