25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Վարչապետի աշխատակազմը հերքում է Անահիտ Ավանեսյանին պաշտոնից ազատելու լուրերը
Քաղաքականություն
02.05.2024 | 16:10
Առողջապահության նախարար Անահիտ Ավանեսյանին պաշտոնից ազատելու լուրերը չեն համապատասխանում իրականությանը, այս մասին Factor.am-ին փոխանցեցին վարչապետի աշխատակազմի տեղեկատվության և հասարակայնության հետ կապերի վարչությունից։
Նշենք՝ NEWS.am-ը, հղում անելով իր աղբյուրներրին, գրել էր, որ առաջիկայում Անահիտ Ավանեսյանը պաշտոնանկ կարվի: Պատճառն, ըստ լրատվամիջոցի, առողջապահության ոլորտում վերջերս բացահայտված ենթադրյալ չարաշահումների դեպքերն են, որոնք ուղղակիորեն կապված են Ավանեսյանի պաշտոնավարման ընթացքում մասնավոր բժշկական հաստատություններին հատկացված մեծածավալ պետպատվերների և քրեական վարույթներով բացահայտված ուշագրավ այլ փաստերի հետ։
Անահիտ Ավանեսյանի հնարավոր հրաժարականի վերաբերյալ նրա մամուլի խոսնակ Մարիամ Ծատրյանն էլ Factor.am-ին փոխանցեց, որ հարցի հասցեատերն իրենք չեն։
Հիշեցնենք, որ ապրիլի 16-ին տեղեկություններ տարածվեցին, որ քուզարկություններ են իրականացվել առողջապահության նախարարությունում և բուժհաստատություններից մեկում։
Օրերս Գլխավոր դատախազությունը հաղորդագրություն տարածեց, որում նշվում էր, որ դատախազը 2024 թվականի ապրիլի 25-ին հաստատել է Առողջապահության նախարարությունից խարդախության եղանակով 263 մլն 480 հազար դրամ հափշտակելու և ՀՀ առողջապահության նախկին փոխնախարարի կողմից պաշտոնեական լիազորությունները չարաշահելու վերաբերյալ քրեական վարույթով մեղադրական եզրակացությունը և այն հանձնել Հակակոռուպցիոն դատարան:
Մանյա Պողոսյան
