23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Վրաստանում ԱՄՆ դեսպանատունը հանդես է եկել ի պաշտպանություն երկրում խաղաղ ցույցերի
Քաղաքականություն
02.05.2024 | 16:22
Միացյալ Նահանգները կանգնած է Վրաստանի ժողովրդի կողքին և պաշտպանում է նրանց լսելի լինելու իրավունքը։ ԱՄՆ դեսպանատունն այսպես է մեկնաբանել Վրաստանում «օտարերկրյա գործակալների մասին» օրինագծի դեմ բողոքի ակցիաները, փոխանցում է News Georgian-ն։
«Մենք դատապարտում ենք բռնությունը խաղաղ ցուցարարների, այդ թվում՝ ցույցերը լուսաբանող լրագրողների նկատմամբ։ Խաղաղ հավաքների և խոսքի ազատությունը ճնշելու համար ուժի կիրառումն անընդունելի է»,- ասվում է դիվանագիտական ներկայացուցչության հայտարարության մեջ։
Դեսպանատունն իշխանություններին կոչ է արել ոչ բռնի ցույցերի մասնակիցներին հնարավորություն տալ «շարունակել օգտվել իրենց խոսքի ազատության իրավունքից»։
Երեկ ուշ երեկոյան հազարավոր քաղաքացիներ կրկին բողոքի ցույց են անցկացրել Վրաստանի խորհրդարանի շենքի մոտ՝ ընդդեմ «օտարերկրյա գործակալների մասին» օրենքի, որը երեկ երկրորդ ընթերցմամբ ընդունել է երկրի խորհրդարանը։
Ոստիկանությունը ցուցարարների նկատմամբ կրկին հատուկ միջոցներ է կիրառել, կան հոսպիտալացվածներ։
