15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Վրաստանի խորհրդարանում անվտանգության կարմիր մակարդակ է սահմանվել
Քաղաքականություն
02.05.2024 | 13:18
Վրաստանի խորհրդարանը հայտնում է անվտանգության կարմիր մակարդակի մասին, որն այսօր օրենսդիր մարմնի տարածքում կգործի մինչև ժամը 14:00-ը։ Բացի այդ, չեղարկվել են նախատեսված միջոցառումները՝ բյուրոյի և լիագումար նիստերը, հայտնում է խորհրդարանի մամուլի կենտրոնը, փոխանցում է Գրուզիա օնլայնը։
«Մայիսի 1-ին Վրաստանի խորհրդարանի շենքի վրա բողոքի ակցիայի մասնակիցների հարձակման հետևանքով վնասվել են խորհրդարանի շենքը և ենթակառուցվածքները, ուստի այսօր՝ մայիսի 2-ին, նախատեսված միջոցառումները չեն կայանա»,- ասվում է հայտարարության մեջ։
Այս պահին խորհրդարանի տարածքում շենքի «մաքրման և վերականգնման աշխատանքները» շարունակվում են։
Ինչ վերաբերում է անվտանգության կարմիր մակարդակին, ապա դրա գործողության ընթացքում ոչ ոքի չի թույլատրվի մտնել խորհրդարան, բացառությամբ այն անձանց, որոնց նույնականացրել է խորհրդարանի աշխատակազմի ղեկավարը։
