23.11.2024 | 18:09
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Կիրանցում ոստիկանությունը պատ է կազմել
Քաղաքականություն
02.05.2024 | 12:29
Արդեն հայտնել ենք, որ վաղ առավոտյան Իջևան-Կիրանց ճանապարհից բերման են ենթարկվել ավելի քան երկու շաբաթ բողոքի ակցիա իրականացնող 30 կիրանցեցիներ։ Համացանցում տեսանյութ է տարածվել, որտեղ Իջևանի ոստիկանության բաժին բերման ենթարկվածներից մեկը պատմում է, որ «իրենց ջարդելով են բերման ենթարկել»։
Բերման ենթարկվածներն ազատ են արձակվել՝ հայտնում են ՆԳՆ-ից՝ միևնույն ժամանակ հերքելով, թե վերջինների նկատմամբ բռնություն է կիրառվել։ Ճանապարհը փակած քաղաքացիները շարունակում են պնդել, որ ոստիկանությունը բռնություն է գործադրել։
Ազգային ժողովի ընդդիմադիր «Հայաստան» խմբակցության պատգամավոր Գառնիկ Դանիելյանը, որն այս պահին Տավուշում է, ֆեյսբուքում գրել է, որ ոստիկանության ուժերը փակել են գյուղի մուտքերը։
Տեղում աշխատող լրատվամիջոցների ուղիղ եթերներում պարզ երևում է՝ ոստիկանության մեծաթիվ ուժեր պատ են կազմել և քաղաքացիներն ու լրագրողները հնարավորություն չունեն գյուղ մտնելու։
Ներքին գործերի նախարարությունը հայտնել է, որ Հայաստանի պաշտպանության նախարարությունը Հայաստան-Ադրբեջան պետական սահմանի Տավուշի մարզի Կիրանց գյուղի և Ադրբեջանի Ղազախի շրջանի Խեյրեմլի գյուղի հատվածում ականազերծում է իրականացնում պետական սահմանի վերարտադրության նպատակով Հայաստանի և Ադրբեջանի փորձագիտական խմբերի կողմից գեոդեզիական չափումների հիման վրա՝ կոորդինատների ճշգրտման աշխատանքների իրականացումը ապահովելու համար:
Ըստ հաղորդման՝ ոստիկանությունն ուժեղացված ծառայություն է իրականացնում՝ ականապատ գոտիներ քաղաքացիների մուտքը թույլ չտալու, նրանց անվտանգությունն ապահովելու համար:
Երեկ վարչապետ Նիկոլ Փաշինյանը Հանրային հեռուստաընկերության եթերում հայտարարել էր, որ Կիրանցի հատվածում կա սահմանազատման ենթակա 11 կետ։
Արփի Հակոբյան
