21.06.2026 | 14:57
Նուրբ ժպիտով՝ տրոլեյբուսի ղեկին. 23-ամյա Իվետան կարծրատիպեր է կոտրում. ՏԵՍԱՆՅՈՒԹ
Վրաստանի խորհրդարանը երկրորդ ընթերցմամբ ընդունել է օտարերկրյա գործակալների մասին օրինագիծը
Քաղաքականություն
01.05.2024 | 21:00
Վրաստանի խորհրդարանը լիագումար նիստում երկրորդ ընթերցմամբ ընդունել է օտարերկրյա գործակալների մասին օրինագիծը: ՏԱՍՍ-ի փոխանցմամբ՝ քվեարկությունն ուղիղ հեռարձակվել է օրենսդիր մարմնի կայքում:
«83 կողմ, 23 դեմ. նախագիծը (օտարերկրյա գործակալների մասին-խմբ.) երկրորդ ընթերցմամբ ընդունվել է», – ասել է Վրաստանի խորհրդարանի նախագահ Շալվա Պապուաշվիլին՝ ամփոփելով քվեարկության արդյունքները։
Օրինագիծը երկրորդ ընթերցմամբ քննարկվել է երեքշաբթի օրվանից։ Երեքշաբթի օրը խորհրդարանականները չեն հասցրել նախագիծը քվեարկության դնել, որոշվել է քննարկումը շարունակել չորեքշաբթի օրը: Պատգամավորների միջև սուր բանավեճ է տեղի ունեցել։ Խորհրդարանի խոսնակը ստիպված է եղել հեռացնել ընդդիմության չորս պատգամավորների՝ կանոնակարգը խախտելու համար։
Ըստ ընթացակարգի՝ այնուհետև օրինագիծը պետք է անցնի վերջնական՝ երրորդ ընթերցում: Եթե այդ ժամանակ ևս նախագիծը հավանության արժանանա, այն կուղարկվի Վրաստանի նախագահ Սալոմե Զուրաբիշվիլիին։ Պետության ղեկավարն արդեն հայտարարել է, որ վետո է դնելու օրենքի վրա ։ Այդ դեպքում խորհրդարանը ստիպված կլինի սկսել վետոյի հաղթահարման ընթացակարգը։ Դրա համար անհրաժեշտ է 150 պատգամավորներից առնվազն 76-ի համաձայնությունը ։ Իշխող «Վրացական երազանք – Ժողովրդավարական Վրաստան» կուսակցությունն այսօր խորհրդարանում ունի 84 մանդատ:
