19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Ադրբեջանը ՀՀ-ի դեմ քարոզչական նոր հեռուստաալիք է բացել
Քաղաքականություն
01.05.2024 | 18:09
Պաշտոնական Բաքուն շարունակում է ՀՀ-ի նկատմամբ տարածքային անհիմն պահանջների քաղաքականությունը։ Բաքուն, որն այդ պահանջները փաթեթավորելու նպատակով ստեղծել է, այսպես կոչված, «Արևմտյան Ադրբեջանի համայք» կազմակերպությունը, հիմա «Արևմտյան Ադրբեջան» հեռուստաալիք է բացել։ Լրատվամիջոցի բացման մասին հայտարարվել է անցյալ տարվա հուլիսին, հիմա արդեն բացվել է դրա խմբագրության շենքը։
«Արևմտյան Ադրբեջանի համայքի» ներկայացուցիչն ասել է, թե հեռուստաալիքի նպատակն է «ճշմարտությունը ներկայացնել իրենց հայրենի հողերից ադրբեջանցիների արտաքսման և Արևմտյան Ադրբեջանում ադրբեջանական ժառանգության ոչնչացման մասին»։
Նշվում է, որ հեռուստաալիքը հեռարձակվելու է շաբաթական 6 անգամ 2 ժամ տևողությամբ՝ 3 անգամ ադրբեջաներեն և 3 անգամ ռուսերեն։ Բացի այդ, ամբողջ շաբաթվա ընթացքում կես ժամ անգլերեն լեզվով հեռարձակվում կապահովվի։
