25.11.2024 | 09:31
Փակ է «Ամբերդ»-ից Քարի լիճ տանող ճանապարհը
Երևան-Երասխ ավտոճանապարհին ավտովթար է տեղի ունեցել
01.05.2024 | 17:12
Արարատի մարզային փրկարարական վարչության ճգնաժամային կառավարման կենտրոնը մայիսի 1-ին ժամը 10:38-ին ահազանգ է ստացել, որ Երևան-Երասխ ավտոճանապարհին՝ Արարատ գյուղի մոտակայքում, տեղի է ունեցել ՃՏՊ. կան տուժածներ։
Ինչպես հայտնում են Ներքին գործերի նախարարության փրկարար ծառայությունից՝ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Երասխ ավտոճանապարհի 47-րդ կմ-ին՝ Արարատ գյուղի մոտակայքում, «Mercedes-Benz» մակնիշի ավտոմեքենան (վարորդ՝ Ս. Պ., ծնված 2000թ․), դուրս է եկել ավտոճանապարհի երթևեկելի գոտուց և բախվել կայանած «Renault» մակնիշի կցորդիչով բեռնատարին (վարորդ՝ Մ. Մ., ծնված 1992 թ.), ինչի հետևանքով «Mercedes-Benz» մակնիշի ավտոմեքենայի վարորդը արգելափակվել է։
Փրկարարները հոսանքազրկել են «Renault» մակնիշի բեռնատարը, փակել «Mercedes-Benz» մակնիշի ավտոմեքենայի գազի բալոնի փականը, Ս. Պ.-ին դուրս բերել ավտոմեքենայից և մոտեցրել շտապօգնությանը. տուժածները տեղափոխվել են բժշկական կենտրոն:
