11.08.2026 | 22:04
Օգոստոսի 15-ը ռիսկայի՞ն կլինի Եվրոպայի համար․ Բրյուսելն ու Մադրիդը զգուշացնում են Սեուտա անօրինական մուտք գործել ցանկացողներին
ՄԱԿ-ում Թուրքիայի դեսպանը հայտարարել է, թե «ՀՀ-ն գիտակցել է իր պատասխանատվությունը և շարժվում է ճիշտ ուղղությամբ»
Քաղաքականություն
30.04.2024 | 21:25
Հարավային Կովկասում կայուն խաղաղության վերականգնման հիմնական գործոնը Հայաստանի կողմից ադրբեջանական գյուղերի վերադարձն է։ Այս մասին ադրբեջանական Report-ին ասել է ՄԱԿ-ում Թուրքիայի մշտական ներկայացուցիչ Ահմեդ Յըլդըզը։
Նա նշել է, թե Ղազախի շրջանի չորս գյուղերը Ադրբեջանին վերադարձնելու շուրջ պայմանավորվածության ձեռքբերումն առաջին հերթին պատմական հնարավորություն է հենց Հայաստանի համար։
«Պետք է նշել, որ Հայաստանը գիտակցել է իր պատասխանատվությունը և շարժվում է ճիշտ ուղղությամբ։ Դա առաջին հերթին դրական ազդեցություն կունենա այս երկրի տնտեսության վրա»,- ասել է թուրք դեսպանը։
Նա նաև նշել է, որ այդ հարցերը լայնորեն քննարկվել են Եվրոպայի խորհրդի Խորհրդարանական վեհաժողովում իր՝ թուրքական պատվիրակության ղեկավար եղած ժամանակ։ Ըստ նրա՝ Թուրքիան «իր սկզբունքային դիրքորոշմամբ կարևոր դեր է խաղացել բազմաթիվ խնդիրների լուծման գործում, և դրանցից մեկը Հարավային Կովկասի տարածաշրջանում մշտական խաղաղության վերականգնումն է»։
