21.06.2026 | 10:44
ՀՀ տարածքում ավտոճանապարհներն անցանելի են
ՀՀ-ում Կանադայի դեսպանը հանդիպել է ԵՄ առաքելությանը միացած կանադացի փորձագետին
Քաղաքականություն
30.04.2024 | 11:22
Հայաստանում Կանադայի դեսպանը հանդիպել է ԵՄ քաղաքացիական դիտորդական առաքելությանը միացած կանադացի առաջին փորձագետին։ Այս մասին հայտնում է Կանադայի ԱԳՆ-ն X-ում գրառմամբ։
«Հայաստանում Կանադայի դեսպան Էնդրյու Թերները հանդիպել է ԵՄ առաքելությանը միացած առաջին կանադացի փորձագետ Ալեքսանդր Գրուշևսկիի հետ։ Քննարկվել են նրա շարունակական աշխատանքը՝ նպաստելու ԵՄ ջանքերին՝ աջակցելու տարածաշրջանում խաղաղությանն ու կայունությանը»,- ասվում է գրառման մեջ։
Ապրիլի 15-ին ԵՄ առաքելությունը հայտնել էր կանադացի առաջին փորձագետի՝ դիտորդներին միանալու մասին։
«Ուրախ ենք ողջունել կանադացի առաջին փորձագետ Ալեքսանդր Գրուշևսկիին EUMA-ում։ Կանադան առաջին երկիրն է, որն աջակցում է Հայաստանում ԵՄ առաքելությանը»,- ասվում է առաքելության X-ի էջում արված գրառման մեջ։
Ավելի վաղ Եվրոպական խորհրդի Քաղաքական և անվտանգության հարցերի հանձնաժողովը հավանություն էր տվել Հայաստանում ԵՄ դիտորդական առաքելությանն աջակցելու՝ Կանադայի առաջարկին։
