09.03.2026 | 20:15
Դեպի Միութենական պետություն. ինչպես են տարբեր ուժերն արձագանքում Վիտալի Բալասանյանի առաջարկին. ՏԵՍԱՆՅՈՒԹ
Ազգային ժողովը գնել է 520 շիշ կոնյակ՝ 10․5 մլն դրամ ընդհանուր արժեքով
Տնտեսություն
29.04.2024 | 21:29
Ազգային ժողովն ալկոհոլային խմիչքի մեծաքանակ գնում է կատարել։ Օրենսդիր մարմինն այսօր պայմանագիր է կնքել «Վինո Վինո» ՍՊ ընկերության հետ՝ ՀՀ Ազգային ժողովի 2024թ. կարիքների համար պատվիրակությունների ընդունման և արտասահմանյան այցելությունների կազմակերպման համար։
Ըստ պայմանագրի՝ ընկերությունը մատակարարելու է 520 շիշ կոնյակ՝ ընդհանուր 10 մլն 565 հազար դրամ արժողությամբ, այդ թվում՝ «Արարատ Շառլ Ազնավուր 25» (10 հատ, միավորը՝ 52500 դրամ), «Էրեբունի 30» (10 հատ, միավորը՝ 280 հազար դրամ), «Ախթամար» (100 հատ, միավորը՝ 6700 դրամ), «Ընտիր կոլեկցիոն» (100 հատ, միավորը՝ 9750 դրամ), «Նաիրի» (100 հատ, միավորը՝ 24949 դրամ), «Դվին» (100 հատ, միավորը՝ 15 հազար դրամ), «Վասպուրական» (100 հատ, միավորը՝ 16 հազար դրամ)։
Հիշեցնենք, որ ԱԺ-ն նախորդ տարիներին ևս՝ 2019-2023 թվականներին, կոնյակներ ձեռք է բերել միայն «Վինո Վինո» ընկերությունից։ Դրա միակ սեփականատերն Ալեքսան Աղաջանյանն է։
Գայանե Խաչատրյան
