26.06.2026 | 08:14
ԱԱ-2026. ԱՄՆ-ը պարտվեց գոլառատ խաղում, Ավստրալիան փլեյ-օֆֆում է. ՏԵՍԱՆՅՈՒԹ
Քաղաքացիները փակել էին Երևան-Արմավիր ճանապարհը
Քաղաքականություն
29.04.2024 | 11:10
Առավոտյան մի խումբ քաղաքացիներ մեքենաներով փակել էին Արմավիր-Երևան ավտոճանապարհը՝ իրենց բողոքն արտահայտելով սահմանազատման հարցում ՀՀ իշխանությունների որդեգրած քաղաքակնության դեմ։ Ակցիային մասնակցում էին նաև ԱԺ «Հայաստան» խմբակցության պատգամավոր Գեղամ Մանուկյանն ու Մհեր Սահակյանը։
Տեղում ակցիայի մասնակիցների հետ բանակցում էր Ոստիկանության Արմավիրի մարզային վարչության պետ, փոխգնդապետ Հովհաննես Արիստակեսյանը և հորդորում բացել ճանապարհը, քանի որ «հասարակական կարգ է խախտվում»։ ԱԺ պատգամավոր Գեղամ Մանուկյանն էլ հայտարարեց, թե ամբողջ Հայաստանում խախտվում է ոչ միայն հասարակական կարգը, այլև անվտանգային։
«Որովհետեւ Նիկոլ Փաշինյանի գլխավորությամբ այսօր անօրինական կերպով սահմանակետեր են տեղադրվում: Այսօր բոլոր ոստիկանները իրականում հարգելով ՀՀ սահմանադրությունը, պետք է լինեին կառավարության շենքի դիմաց և ձերբակալեին ամենամեծ հասարակական կարգը խանգարող Նիկոլ Փաշինյանին»,- հայտարարեց Մանուկյանը։
Ակցիայի ընթացքում վիճաբանություն տեղի ունեցավ նաև քաղաքացու և ոստիկանության փոխգնդապետի միջև։
Անի Թամրազյան
