04.06.2026 | 23:16
Ադրբեջանից տասնյակ ընկերություններ կառավարում են Ռուսաստանի «ստվերային նավատորմի» լցանավերը․ OCCRP
ՀՀ-ԵՄ հարաբերությունները հիմնված են հայկական ազգային շահերի վրա․ Բալայան
Քաղաքականություն
28.04.2024 | 18:02
Հայաստանի արտաքին քաղաքականությանում փոփոխությունը, որը հանգեցրել է Եվրամիության հետ հարաբերությունների սերտացմանը, սպառնալիք չէ Մոսկվայի համար․ POLITICO-ին տված հարցազրույցում ասել է ԵՄ-ում ՀՀ ներկայացուցչության ղեկավար Տիգրան Բալայանը:
Ըստ դեսպանի՝ Հայաստանը պատմականորեն և գործնականում այնքան շատ կապեր ունի Ռուսաստանի հետ, որ ենթադրությունները, թե Հայաստանը կդիմի ինքնասպանության՝ փորձելով խարխլել ռուսական շահերը տարածաշրջանում, ֆանտաստիկայի ժանրից են։
«Հայաստան-ԵՄ հարաբերությունները հիմնված են հայկական ազգային շահերի վրա։ Այժմ մեր ազգային շահը պահանջում է, որ մենք օրինակելի հարաբերություններ ունենանք ԵՄ-ի և նրա բոլոր անդամ երկրների հետ»,- ասել է Բալայանը՝ հավելելով, որ դա չի բացառում Ռուսաստանի հետ երկկողմ լավ հարաբերությունները, և որ ՀՀ-ն այդ միտքը ցանկանում է բացատրել ռուս գործընկերներին։
