12.03.2026 | 23:35
Վթար Երասխ-Երևան ավտոճանապարհին․ կան տուժածներ
Ոստիկանները դժգոհ են․ պատճառը բնակվարձի փոխհատուցում չստանալն է
Հասարակություն
26.04.2024 | 13:07
Ոստիկանության ծառայողները երեք ամիս է՝ չեն ստացել բնակարանի վարձերի փոխհատուցումը։ Սա ծառայողների շրջանում դժգոհություն է առաջացրել, այս մասին Factor.am-ին հայտնեցին ոստիկանության ծառայողների ընտանիքի անդամներից մի քանիսը։ Ինչպես նշեցին մեր զրուցակիցները, բնակարանի վարձերը ստիպված են վճարել աշխատավարձից, ինչը սոցալական խնդիրներ է առաջացնում։
Factor.am-ի հետ զրույցում Ներքին գործերի նախարարության մամուլի խոսնակ Նարեկ Սարգսյանը փոխանցեց, որ ուշացումները պայմանավորված են վճարման կարգի փոփոխություններով։ Ըստ նրա՝ առաջիկայում բնակվարձերը կտրամադրվեն ծառայողներին։
Նշենք, որ պետության կողմից ոստիկանության ծառայողներին բնակվարձ տրամադրվում է 65-85 հազար դրամի չափով՝ կախված բնակավայրից հեռավորությունից և ընտանիքում երեխաների քանակից։
Նարեկ Կիրակոսյան
