11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
Տնտեսական ակտիվության ցուցանիշը երկնիշ աճ է գրանցել
Տնտեսություն
25.04.2024 | 17:12
Այս տարվա հունվար-մարտ ամիսներին, նախորդ տարվա նույն ժամանակաշրջանի համեմատ, Հայաստանում տնտեսական ակտիվության ցուցանիշն աճել է 14.3%-ով: Հայաստանի վիճակագրական կոմիտեի հրապարակած տվյալների համաձայն՝ այս աճին էապես նպաստել է արդյունաբերական արտադրանքի ծավալի աճը՝ 30․4%: Նշված ժամանակահատվածում զգալի աճել է նաև առևտրի շրջանառությունը՝ 26․5%, շինարարությունը՝ 11․7%, ծառայությունների ծավալը՝ 5․0%, գյուղատնտեսության համախառն արտադրանքը՝ 3․7%։
2024 թ-ի առաջին 3 ամիսներին, 2023-ի նույն ժամանակաշրջանի համեմատ, նվազել է գնաճը՝ 1․2%-ով, արդյունաբերական արտադրանքի գների ինդեքսը՝ 0․3%-ով, էլեկտրաէներգիայի արտադրությունը՝ 1․4%-ով։
Արտաքին առևտրաշրջանառությունն աճել է 2․1 անգամ, ընդ որում՝ ներմուծման աճը զգալի զիջում է արտահանման աճին, մասնավորապես՝ արտահանումն ավելացել է 2․7 անգամ, իսկ ներմուծումը՝ 75․8%-ով։ Թե ինչի՞ հաշվին է արտահանումն այսքան աճել, վիճակագիրները չեն նշել։ Աշխատավարձերի փոփոխությունը ևս կոմիտեն առայժմ չի ներկայացրել։
Գայանե Խաչատրյան
