02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Մահացել է «Մայրիկ» ֆիլմում մորաքույր Աննայի դերակատարը՝ Իզաբել Սադոյանը
Մշակույթ
10.07.2017 | 17:48
Մեծ վշտով ենք տեղեկացնում, որ մահացել է դերասանուհի Իզաբել Սադոյանը, որ հանդիսատեսին հայտնի է Անրի Վերնոյի «Մայրիկ» ֆիլմում Աննայի դերով, խաղալով, Ժակի Ներսիսյանի, Օմար Շարիֆի ու Կլաուդիա Կարդինալեի կողքին. հայտնում է Nouvelle d’Armenie-ն:
Նա մահացել է 89 տարեկանում:
Դերասանուհին Հայոց ցեղասպանությունը վերապրածների դուստր էր, դերասան Ժան Բուիզի կինը: Իզաբել Սադոյանն իր կարիերան սկսել է որպես հագուստի նկարիչ՝ Լիոնում դրամատուրգիայի արվեստի դասեր անցնելուց հետո:
Իզաբել Սադոյանը խաղացել է ավելի քան 50 ֆիլմում, 25 բեմադրությունում:
Նա ավելի քան տասնյակ դերեր է խաղացել հեռուստատեսությունում: Վերջին անգամ դերասանուհին բեմ էր բարձրացել 2016 թվականի դեկտեմբերին Փարիզի Théâtre de l’Oeuvre–ում՝ «Թռիչքից առաջ» ներկայացման համար:
