07.10.2026 | 12:36
ՌԴ-ն հրթիռներով ու ԱԹՍ-ներով զանգվածային հարված է հասցրել Ուկրաինային․ զոհեր և վիրավորներ կան
Նույն վիճակն է, ճանապարհը շարունակում է փակ մնալ․ Կիրանցի վարչական ղեկավար
Քաղաքականություն
25.04.2024 | 11:28
Չորրորդ օրն է, ինչ Կիրանցի հատվածում՝ դեպի Վրաստանի սահման տանող ճանապարհը շարունակում է փակ մնալ․ բնակիչները ակցիա են իրականացնում՝ գիշերելով այնտեղ։ Կիրանցի վարչական ղեկավար Կամո Շահինյանը Factor.am-ի հետ զրույցում ասաց, որ ինքը բնակիչների կողքին է, մասնակցում է ակցիաներին։
«Ճանապարհը փակ է, նոր բան չկա՝ նույն լարված վիճակը։ Ոստիկանական ուժեր չկան տարածքում»,- ասաց վարչական ղեկավարը։
Հիշեցնենք՝ մի քանի օր է, ինչ Տավուշում լարված իրավիճակ է․ տարբեր համայնքների բնակիչներ բողոքի ակցիաներ են իրականացնում։ Դժգոհությունը կապված է սահմանազատման գործընթացի հետ, որը Ոսկեպար-Բաղանիս հատվածում արդեն մեկնարկել է։
Արփի Հակոբյան
