05.06.2026 | 18:30
ՌԴ-ի սանկցիաներին պետք է դիմանալ և դիմակայել․ ՀՀ ինքնիշխանությունը սակարկելի չէ․ Գարեգին Չուգասզյան․ ՏԵՍԱՆՅՈՒԹ
ՀՀ-ում օտարերկրյա դեսպանները հարգանքի տուրք են մատուցել Հայոց ցեղասպանության զոհերի հիշատակին
Քաղաքականություն
24.04.2024 | 15:51
Հայաստանում Լիտվայի դեսպան Անդրիուս Պուլոկասը Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին։
«Մենք շարունակում ենք հավատարիմ լինել նման վայրագությունների կրկնությունը թույլ չտալուն»,- ասված է դեսպանության X-ի էջում արված գրառման մեջ։
Today, Ambassador of Lithuania A. Pulokas and Deputy Head V. Dailidėnaitė paid tribute to the memory of the innocent victims of the Armenian Genocide at the Tsitsernakaberd Memorial Complex.
We remain committed to prevent such atrocities from ever happening again. pic.twitter.com/DFGjdJl0rP— Embassy of Lithuania in Armenia (@LTinArmenia) April 24, 2024
ՀՀ-ում Ֆրանսիայի դեսպան Օլիվիե Դըկոտինյին X-ի իր էջում գրառում է կատարել՝ նվիրված Հայոց ցեղասպանության 109-րդ տարելիցին։
«Այսօր՝ ապրիլի 24-ին, ոգեկոչում ենք 1915 թվականի Հայոց ցեղասպանության զոհերի հիշատակը»,- գրել է դեսպանն ու Ցեղասպանությունից փաստավավերագրական լուսանկար հրապարակել։
ԱՄՆ դեսպան Քրիստինա Քվինն ու փոխդեսպան Չիփ Լեյթինենն էլ Հայոց ցեղասպանության հուշահամալիրում ծաղիկներ են խոնարհել անմար կրակի մոտ՝ հարգանքի տուրք մատուցելով Հայոց ցեղասպանության զոհերի հիշատակին: Այս մասին տեղեկացնում են ՀՀ-ում ԱՄՆ դեսպանությունից:
Ապրիլի 24-ին ՀՀ-ում Ռուսաստանի դեսպան Սերգեյ Կոպիրկինը և դեսպանատան ռազմական կցորդը Ծիծեռնակաբերդի հուշահամալիրում մասնակցել են ծաղկեպսակի և ծաղիկների տեղադրման արարողությանը։ Այս մասին էլ ասված է ՀՀ-ում ՌԴ դեսպանության ֆեյսբուքյան էջում հրապարակված հաղորդագրությունում։
