10.04.2026 | 21:28
Ադրբեջանն ու Չինաստանը ռազմական համագործակցության հարցեր են քննարկել
Իրանը՝ ՀՀ-ի և Ադրբեջանի միջև սահմանազատման գործընթացի մասին
Քաղաքականություն
23.04.2024 | 19:28
Ադրբեջանի և Հայաստանի ջանքերի շարունակությունը սահմանային խնդիրները խաղաղ ճանապարհով լուծելու նպատակով անհրաժեշտ է Հարավային Կովկասում հարատև խաղաղության և կայունության հաստատման համար։ Այս մասին հայտարարել է Իրանի ԱԳՆ խոսնակ Նասեր Քանանին, փոխանցում է IRNA-ն։
«Մենք հարգում ենք երկու երկրների սահմանագծման հանձնաժողովի նիստում Ադրբեջանի և Հայաստանի միջև ձեռք բերված պայմանավորվածությունները»,- ասել է իրանցի պաշտոնյան՝ անդրադառնալով Ադրբեջանի և Հայաստանի միջև սահմանազատման և սահմանագծման վերաբերյալ վերջին համաձայնությանը։
Նա հավելել է, որ Հարավային Կովկասում տևական խաղաղություն և կայունություն հաստատելու համար անհրաժեշտ է սահմանային խնդիրները լուծել ինքնիշխանության և տարածքային ամբողջականության փոխադարձ հարգանքի շրջանակում՝ խաղաղ մեթոդների կիրառմամբ։
