15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Ալիևը հայտարարել է, թե ՀՀ-ն «արգելափակում է» Նախիջևանի հետ ճանապարհային կապ հաստատելու հնարավորությունը
Քաղաքականություն
23.04.2024 | 18:48
Ադրբեջանի նախագահ Իլհամ Ալիևը «COP29-ը և Ադրբեջանի կանաչ տեսլականը» թեմայով համաժողովի ժամանակ խոսել է նոյեմբերի 9-ի եռակողմ հայտարարության մասին, որի դրույթները չեն կատարվել Բաքվի և Մոսկվայի կողմից։
««Զանգեզուրի միջանցքի» հարցը հստակ արտացոլված է 2020 թվականի նոյեմբերի 10-ին ստորագրված եռակողմ հայտարարության մեջ։ Այո՛, այնտեղ «Զանգազուրի միջանցք» բառը նշված չէ, սակայն գրված է, որ Ադրբեջանի արևելյան հատվածի և Նախիջևանի Ինքնավար Հանրապետության միջև պետք է լինի ճանապարհային կապ, իսկ վերահսկողությունը պետք է ապահովեն Ռուսաստանի սահմանապահ ուժերը։ Այն ստորագրել են նախագահ Պուտինը, վարչապետ Փաշինյանը և ես։ Եվ հիմա, ավելի քան երեք տարի, Հայաստանը փաստացի խախտում է այս դրույթը»,- ասել է Ալիևը։
Նա հավելել է, թե «Երևանը ցանկանում է վերացնել այդ դրույթը»։
«Հիմա ուզում են, այսպես ասած, վերացնել այդ դրույթը, բայց դա հնարավոր չէ։ Նրանք արգելափակում են Նախիջևանի Ինքնավար Հանրապետության հետ ճանապարհային կապ հաստատելու հնարավորությունը։ Նման վերաբերմունքը, իհարկե, շատ հիասթափեցնող է»,- հայտարարել է Ալիևը։
