22.07.2026 | 09:30
Համբուրգ․ Էլինա Ավանեսյանը վստահ հաղթանակով է մեկնարկել․ ՏԵՍԱՆՅՈՒԹ
Բրիտանական ինքնաթիռները հազարավոր անգամներ հայտնել են Բալթյան տարածաշրջանում նավիգացիոն խնդիրների մասին. ենթադրաբար, ՌԴ-ն խլացնում է GPS-ը․ The Sun
Քաղաքականություն
23.04.2024 | 22:25
2023 թվականի ամռանից դեպի Մեծ Բրիտանիա և հակառակ ուղղությամբ տասնյակ հազարավոր չվերթների ժամանակ արբանյակային նավիգացիոն համակարգերի հետ կապված խնդիրներ են արձանագրվել Բալթյան տարածաշրջանում: Այս մասին գրում է The Sun-ը, որի լրագրողները GPSJAM.org կազմակերպության հետազոտողների հետ միասին վերլուծել են հանրությանը հասանելի թռիչքների մատյանները։
Հետազոտողների տվյալների համաձայն՝ վերջին ութ ամիսների ընթացքում Բալթյան տարածաշրջանում 46 հազար չվերթ բախվել է GPS ազդանշանների խափանման, այդ թվում՝ Ryanair-ի 2,309 չվերթները, WizzAir-ի՝ 1,368, British Airways-ի՝ 82 չվերթները:
Մեծ Բրիտանիայի միակ խոշոր ավիափոխադրողը, որը նման խնդիրներ չի ունեցել, Virgin Atlantic-ն էր, որը չի թռչում այդ տարածաշրջանով:
Փորձագետները, որոնց հետ զրուցել են լրագրողները, կարծում են, որ արբանյակային նավիգացիոն համակարգերի շահագործման հետ կապված խնդիրները կապված են ռուս զինվորականների գործողությունների հետ։ Այսպես, ռազմական փորձագետ Ջեք Ուոթլինգը, որը համագործակցում է Մեծ Բրիտանիայի Թագավորական հետազոտությունների ինստիտուտի (RUSI) հետ, նշել է, որ Ռուսաստանի զինված ուժերը երկար ժամանակ խափանել են GPS ազդանշանները Բալթյան տարածաշրջանում։
«Բոլոր վայրերում, որտեղ կա ռուսական մեծ կայազոր, դուք կտեսնեք GPS-ի խափանում»,- հավելել է նա՝ որպես օրինակ բերելով Կալինինգրադը:
Պարբերականը նաև հիշեցնում է, որ 2024 թվականի հունվարին Ավիացիոն անվտանգության եվրոպական գործակալությունը (EASA) և Օդային տրանսպորտի միջազգային ասոցիացիան (IATA) գագաթնաժողով են անցկացրել այս խնդրի կապակցությամբ։
Գագաթնաժողովում տեղի ունեցողը «հարձակումներ» են անվանել, բայց չեն նշել, թե կոնկրետ ով է կանգնած դրանց հետևում։
