Քաղաքականություն
22.04.2024 | 20:45ՀՀ կառավարությունն ապրիլի 19-ին հայտարարեց Երևանի և Բաքվի միջև ձեռք բերված պայմանավորվածությունների մասին։ Ըստ պաշտոնական տեղեկատվության Հայաստանն ու Ադրբեջանը «նախնական համաձայնեցրել են»՝ Տավուշ-Ղազախ սահմանի որոշ հատվածներ համապատասխանեցնել «Խորհրդային Միության փլուզման պահի դրությամբ գոյություն ունեցող միջհանրապետական սահմանին»։
Ըստ այդմ, հայկական կողմը հետ կքաշվի Բաղանիս-Այրում, Աշաղը Ասկիպարա, Խեյրիմլի ու Ղըզըլհաջիլի գյուղերի ուղղություններով։ Կոորդինատների հստակեցումը պիտի ձևակերպվի արձանագրություն-նկարագրությամբ, ինչը պետք է համաձայնեցվի ու ստորագրվի մինչև 2024 թ. մայիսի 15-ը, ինչից հետո այդ հատվածներում սահմանագիծը կհամարվի սահմանազատված։
Factor TV-ն ուսումնասիրել է ՀՀ վարչապետ Նիկոլ Փաշինյանի՝ այս թեմայով տարբեր ժամանակահատվածներում արված հայտարարությունները, զուգահեռներ տանելով վերջին երկու ամիսներին հայտնած դիրքորոշումների հետ։
Եթե Նիկոլ Փաշինյանը 2021 թվականին հայտարարում էր, թե «ձեռքը կկտրի, բայց Ղազախի շրջանի գյուղերի առնչությամբ ոչինչ չի ստորագրի», երկու ամիս առաջ ասում էր՝ եթե այդ քայլին չգնա պատերազմ կսկսվի։
Մանրամասները՝ տեսանյութում։
Նարեկ Կիրակոսյան
