06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ինչո՞ւ է դոլարի գինն ընկնում․ տնտեսագետը՝ հնարավոր զարգացումների մասին․ ՏԵՍԱՆՅՈՒԹ
Տնտեսություն
22.04.2024 | 18:30
2024 թ.մարտի 20-ին դոլարի փոխարժեքը ՀՀ-ում վերջին կես տարվա մեջ առաջին անգամ նվազեց 400 դրամից։ 2023-ի վերջից դոլարի փոխարժեքը կայունացել էր 400-405-ի տիրույթում, իսկ 2024-ի մարտից սկսեց աստիճանաբար նվազել։ Մարտի 20-ից հետո նվազման տեմպերն արագացան` հասնելով օրական միջինը 1 դրամի։ Ապրիլի 11-ից փոքր ինչ բարձրացում նկատվեց, դոլարի արժեքը կրկին հասավ մոտ 400 դրամի, սակայն վերջին օրերին կրկին անկում է նկատվում։
Այս պահի դրությամբ դոլար կարելի է գնել միջինը 393 դրամով, իսկ վաճառքի գինը միջինում 387 դրամ է։
Դրամի արժևորումը պետք է օրինաչափ համարել, քանի որ վերջին ամիսներին մենք տնտեսական ակտիվության ցուցանիշի ավելացում ունենք։ Այս մասին Factor TV-ի հետ զրույցում ասաց տնտեսագետ Կառլեն Խաչատրյանը։
«Եթե մեր տնտեսությունում աշխուժացում է նկատվում ու տնտեսական ակտիվության ցուցանիշն ավելի բարձր է, քան, օրինակ, համաշխարհային միջինը, դա իր արտացոլումը գտնում է փոխարժեքի արժևորմամբ։ Թեևս սրանով պետք է պայմանավորել վերջին ամիսներին դոլարի ու եվրոյի նկատմամբ մեր դրամի արժևորումը»,- նշեց Խաչատրյանը։
Նա ներկայացրեց՝ որ ոլորտներն են շահում ու որոնք են տուժում փոխարժեքի այս տատանումներից ու ինչ սպասել առաջիկայում։
Անժելա Պողոսյան
Մանրամասները՝ տեսանյութում։
