12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Քաղաքացիները շարունակում են փակ պահել Կիրանց-Ոսկեպար ճանապարհը
Քաղաքականություն
22.04.2024 | 12:02
Կիրանց-Ոսկեպար հատվածը շարունակում է փակ մնալ։ Միջպետական ճանապարհը փակած քաղաքացիները գիշերել են այնտեղ։ Երեկվանից լուրեր էին տարածվում, որ բնակիչների հետ կհանդիպի փոխվարչապետ Մհեր Գրիգորյանը, այսօր, սակայն, փոխվարչապետի աշխատակազմից Factor.am-ին հայտնել են, որ ոչ թե Գրիգորյանն է մեկնելու Տավուշ, այլ համայնքապետերն են գալու Երևան և կառավարության շենքում հանդիպեն Գրիգորյանի հետ։
Բողոքի ակցիա իրականացնողների շարքում են նաև Տավուշի թեմի առաջնորդ Գերաշնորհ Տեր Բագրատ եպիսկոպոս Գալստանյանը, ՀՀ ԱԺ «Հայաստան» խմբակցության պատգամավոր Գառնիկ Դանիելյանը։
Նշենք, որ Հայաստանը համաձայնել է վերադարձնել Տավուշի հատվածում Ադրբեջանի պահանջած գյուղերը՝ դրա դիմաց չստանալով Բերքաբերի դիմաց գտնվող հայկական տարածքները, որոնք այժմ Ադրբեջանի վերահսկողության տակ են։ Կողմերը նշում են բնակավայրերի անունները․ Հայաստանի կողմից՝ Բաղանիսի, Ադրբեջանի կողմից՝ Բաղանիս Այրումի, Հայաստանի կողմից՝ Ոսկեպարի, Ադրբեջանի կողմից՝ Աշաղը Ասկիպարայի, Հայաստանի կողմից՝ Կիրանցի, Ադրբեջանի կողմից՝ Խեյրեմլիի, Հայաստանի կողմից՝ Բերքաբերի, Ադրբեջանի կողմից՝ Կըզըլ Հաջիլիի միջև։ Բաքուն հենց այս գյուղերն էր մարտի սկզբին անհապաղ պահանջել վերադարձնել՝ հայտարարելով, որ դրանց պատկանելությունը կասկածներ չի հարուցում։ Իսկ Ոսկեպարին հարակից միջպետական ճանապարհի հատվածը այս փուլում չի սահմանազատվի, այսինքն՝ կմնա հայկական վերահսկողության տակ։
Ապրիլի 17-ին ՀՀ վարչապետ Նիկոլ Փաշինյանը Տավուշի մարզում էր, հանդիպել էր բնակիչների հետ։ Պաշտոնական հայտարարությունից հետո ակցիա իրականացնողներն պնդում են, որ հայտարարության բովանդակությունը հակասում է իրենց գյուղում վարչապետ Նիկոլ Փաշինյանի ասածներին։
Դեռևս 1 ամիս առաջ , Փաշինյանը մեծաթիվ անվտանգության աշխատակիցներով ու թիմակիցներով այցելել էր իր ծննդավայր Տավուշ, որպեսզի ասի՝ Ադրբեջանին են հանձնելու Ալիևի պահանջած գյուղերը։ Փաշինյանն իր հետ Ոսկեպար ու Կիրանց էր տարել Հայաստանի տարածքի մանրակերտն ու կրկնել, որ այս սահմաններից դուրս Հայաստան չկա։
Factor TV-ն դեռևս այդ ժամանակ այցելել էր սահմանամերձ շրջաններ և լսել բնակիչների կարծիքը սկսվող գործընթացի մասին։
Փաշինյանը 3 տարի առաջ «ձեռքը կկտրեր», հիմա կողմ է հանձնելուն. ինչ է սպասվում Տավուշում. ՏԵՍԱՆՅՈՒԹ
