15.07.2026 | 15:21
Անձրև, քամու ուժգնացում․ առաջիկա օրերի եղանակային կանխատեսումներ
Հայաստանի և Ադրբեջանի ՝ 1991 թ․ Ալմա-Աթայի հռչակագրի հիման վրա սահմանազատման մասին համաձայնագիրը վերացնում է խաղաղության պայմանագրի հիմնական խոչընդոտը․ Գերմանիայի ԱԳՆ
Քաղաքականություն
20.04.2024 | 17:35
Գերմանիայի արտաքին քաղաքական գերատեսչությունն անդրադարձել է Հայաստանի և Ադրբեջանի սահմանազատման հարցերով հանձնաժողովների ձեռք բերած պայմանավորվածությանը՝ նշելով, որ Գերմանիան պատրաստ է անել ամեն ինչ՝ աջակցելու կայուն խաղաղությանը։
«Հայաստանի և Ադրբեջանի՝ 1991 թվականի Ալմա-Աթայի հռչակագրի հիման վրա սահմանազատման մասին համաձայնագիրը վերացնում է խաղաղության պայմանագրի հիմնական խոչընդոտը։ Գերմանիան պատրաստ է անել ամեն ինչ՝ աջակցելու կայուն խաղաղությանը»,- ասված է Գերմանիայի ԱԳՆ-ի X-ի պաշտոնական էջում։
Հիշեցնենք, որ երեկ տեղի է ունեցել Հայաստանի և Ադրբեջանի սահմանազատման պետական հանձնաժողովների 8-րդ հանդիպումը՝ փոխվարչապետներ Մհեր Գրիգորյանի և Շահին Մուստաֆաևի նախագահությամբ:
ՀՀ ԱԳՆ-ից հայտնում են, որ հանդիպման արդյունքներով պայմանավորվածություն է ձեռք բերվել՝ սահմանազատման գործընթացում կառաջնորդվեն Ալմա Աթայի 1991 թվականի հռչակագրով, բայց եթե հետագայում Հայաստանի և Ադրբեջանի միջև «Խաղաղության և միջպետական հարաբերությունների հաստատման մասին համաձայնագրով» (խաղաղության պայմանագրով) կնախատեսվեն այլ կարգավորումներ, ապա հանձնաժողովի կանոնակարգի համապատասխան դրույթները կհամապատասխանեցվեն խաղաղության պայմանագրի սկզբունքներին:
