25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
ԵՄ-ն աջակցում է Երևանի ու Բաքվի բանակցություններին. Կլաար
Քաղաքականություն
19.04.2024 | 23:24
Հարավային Կովկասի հարցերով ԵՄ հատուկ ներկայացուցիչ Տոյվո Կլաարը X-ի իր միկրոբլոգում անդրադարձել է Հայաստանի ու Ադրբեջանի սահմանազատման հարցերով հանձնաժողովների հանդիպմանը ձեռք բերված պայմանավորվածությանը:
«Այսօր հուսադրող լուրեր տարածվեցին սահմանային հանձնաժողովների աշխատանքի և 1991թ. Ալմա Աթայի համաձայնագրի հիման վրա սահմանագծման գործընթացի մեկնարկի մասին: ԵՄ-ն լիովին աջակցում է բանակցային գործընթացին և համապարփակ և տևական կարգավորման նպատակին»,- ասված է գրառման մեջ:
Հիշեցնենք՝ Հայաստանի Հանրապետության և Ադրբեջանի Հանրապետության սահմանին ապրիլի 19-ին տեղի է ունեցել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի ութերորդ հանդիպումը, որի ընթացքում հանձնաժողովները նախնական համաձայնեցրել են սահմանագծի առանձին հատվածները։
