19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Ալիևն ապրիլի 22-ին մեկնում է Մոսկվա՝ Պուտինի հետ բանակցությունների
Քաղաքականություն
19.04.2024 | 16:44
Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը ապրիլի 22-ին հանդիպելու են Մոսկվայում։ Կրեմլի մամուլի ծառայության փոխանցմամբ՝ Ադրբեջանի ղեկավարն աշխատանքային այցով կգտնվի Ռուսաստանի Դաշնությունում, գրում է ՏԱՍՍ-ը։
«Նախատեսվում է դիտարկել ռուս-ադրբեջանական ռազմավարական գործընկերության և դաշնակցային հարաբերությունների հետագա զարգացման առանցքային հարցերը, ինչպես նաև մտքերի հանգամանալից փոխանակում անցկացնել տարածաշրջանային արդի հարցերի շուրջ»,- ասվում է հաղորդագրության մեջ։
Նշվում է, որ Պուտինն ու Ալիևը հանդիպելու են Բայկալ-Ամուրյան մայրուղու կառուցմանը մասնակցած վետերանների հետ, որի շինարարությունը ղեկավարել է Իլհամ Ալիևի հայրը՝ Ադրբեջանի նախկին նախագահ Հեյդար Ալիևը ԽՍՀՄ Նախարարների խորհրդում աշխատելու տարիներին։
