24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
ԱՄՆ Պետդեպն արձագանքել է ռուս խաղաղապահների վաղաժամ հեռացմանը
Քաղաքականություն
18.04.2024 | 11:08
ԱՄՆ Պետքարտությունը արձագանքել է Արցախից ռուս խաղաղապահ զորախմբի վաղաժամ հեռացմանը։ Ճեպազրույցում փոխխոսնակ Վեդանտ Պատելին հարց են ուղղել այն մասին, որ ռուսները սկսել են իրենց ուժերը դուրս հանել և տեղակայել Ուկրաինայում, դա ի՞նչ հետևանքնե կունենա Հարավային Կովկասում։
«Մենք բանակցված եռակողմ պայմանավորվածության կողմ չենք, որը 2020 թվականին վերջ դրեց Լեռնային Ղարաբաղում պատերազմին և այդ տարածաշրջանում ռուսական զորքեր տեղակայվեցին։ Անկեղծ ասած, մենք չենք տեսել որևէ բան, որը ցույց տա, թե Ռուսաստանի զինված ուժերը նպաստում են ավելի խաղաղ և կայուն Հարավային Կովկասի տարածաշրջանին․ անցած աշնանը Լեռնային Ղարաբաղում տեղի ունեցած իրադարձությունները դա են ցույց տալիս, դա ևս մեկ կարևոր օրինակ է, թե ինչպես Ռուսաստանը վստահելի դաշնակից կամ գործընկեր չէ», – ասել է Պետդեպի փոխխոսնակը՝ հավելելով, որ Վաշինգտոնը վճռականորեն աջակցում է Հայաստանի և Ադրբեջանի ջանքերին՝ հասնելու տևական և արժանապատիվ խաղաղության, և պատրաստ են շարունակել նպաստելու այդ գործընթացին:
