05.12.2025 | 22:31
Երևանում և 7 մարզում էլեկտրաէներգիայի անջատումներ կլինեն
ՌԴ-ի և Ադրբեջանի բարձրագույն ղեկավարությունը ռուս խաղաղապահների վաղաժամ հեռացման որոշում է կայացրել․ Հիքմեթ Հաջիև
Քաղաքականություն
17.04.2024 | 15:14
Ադրբեջանի նախագահի օգնական Հիքմեթ Հաջիևն ադրբեջանական պետական AZERTAC գործակալության հետ զրույցում հայտնել է, որ Բաքուն և Մոսկվան որոշում են կայացրել վաղաժամկետ դուրս բերել ռուս խաղաղապահներին Արցախից։
«Համաձայն 2020 թվականի նոյեմբերի 10-ին ստորագրված եռակողմ հայտարարության՝ երկու երկրների բարձրագույն ղեկավարության կողմից որոշում է կայացվել մեր երկրի տարածքից ժամանակից շուտ դուրս բերել ժամանակավորապես տեղակայված ՌԴ խաղաղապահներին։ Գործընթացն արդեն սկսվել է։ Ադրբեջանի և Ռուսաստանի պաշտպանության նախարարությունները ձեռնարկում են անհրաժեշտ միջոցները՝ այս որոշումը կյանքի կոչելու համար»,- ասել է Հաջիևը։
Այսօր ավելի վաղ ՌԴ նախագահի մամուլի խոսնակ Դմիտրի Պեսկովն էր հայտարարել, որ սկսվել է Արցախից խաղաղապահների դուրսբերման գործընթացը։
Հիշեցնենք՝ նախօրեին ադրբեջանական լրատվամիջոցները հայտնել էին, որ հայկական Դադիվանք վանական համալիրի պաշտպանությունը ռուս խաղաղապահները փոխանցել են ադրբեջանական ոստիկանությանը։ Դրանից հետո սկսեցին տարածվել ռուս խաղաղապահների տեխնիկայի շարասյունների տեղաշարժի տեսանյութեր։
