Քաղաքականություն
17.04.2024 | 10:39
Ֆրանսիան որոշել է հետ կանչել Ադրբեջանում իր դեսպան Անն Բույոնին խորհրդակցությունների համար՝ կապված վերջին ամիսներին Ադրբեջանի կողմից երկու երկրների հարաբերությունները վնասող միակողմանի գործողությունների հետ։ Այս մասին հայտնում է Ֆրանսիայի ԱԳՆ-ն ՝ նշելով, որ երկրի նախագահ Էմանունել Մակրոնն արդեն ընդունել է դեսպանին։
«Հանրապետության Նախագահն այսօր ընդունել է մեր դեսպանին այս առիթով։ Նա ափսոսանք է հայտնել Ադրբեջանի գործողությունների համար և ցանկություն հայտնել, որ ադրբեջանական կողմը հստակեցնի իր մտադրությունները»,-ասվում է հաղորդագրության մեջ։
Փարիզը վերահաստատել է իր աջակցությունը Ադրբեջանի և Հայաստանի միջև հարաբերությունների կարգավորմանը միջազգային իրավունքի և երկու երկրների տարածքային ամբողջականության հարգմամբ։ Նշվում է, որ դա օգուտ կբերի ինչպես երկու երկրներին, այնպես էլ՝ ողջ տարածաշրջանին:
