04.06.2026 | 21:30
Եզրափակիչ բանավեճ՝ քաղաքական ուժերի առաջին համարների միջև. ՈՒՂԻՂ
Ռուս խաղաղապահները հեռանո՞ւմ են Արցախից․ Դադիվանքի «պաշտպանությունը» հանձնվել է Ադրբեջանի ոստիկանությանը
Քաղաքականություն
17.04.2024 | 10:19
Արցախում գտնվող Դադիվանքի հայկական միջնադարյան վանական համալիրի «պաշտպանությունը ռուս խաղաղապահները փոխանցել են Ադրբեջանի ոստիկանությանը»։ Այս մասին ֆեյսբուքյան իր էջում գրել է ադրբեջանցի լրագրող Ռովշան Հուսեյնովը։
Նա տեղեկացրել է, թե խաղաղապահները հեռացել են Դադիվանքից և հայկական վանքը հսկում է Ադրբեջանի ոստիկանությունը։
Ավելի ուշ այս տեղեկությունը հաստատել են ադրբեջանական իշխանամերձ լրատվամիջոցները։ ԶԼՄ-ները նշում են, որ մի քանի օր առաջ վանքն ադրբեջանական ոստիկանությանը հանձնելով՝ սկսվել է Արցախում տեղակայված ռուսական խաղաղապահ զորախմբի դուրսբերման գործընթացը։
Համացանցում էլ տեսանյութ է տարածվում, թե ինչպես է ռուս խաղաղապահների տեխնիկայի շարասյունն անցնում Տերտերի ու Բարդայի շրջաններով։
Նշենք, որ Ադրբեջանը պարբերաբար և հետևողականորեն կեղծում է պատմությունը՝ Դադիվանքը, ինչպես նաև Արցախի պատմամշակութային հուշարձաններ ներկայացնելով որպես ալբանական (աղվանական)։ Արցախյան 44-օրյա պատերազմից հետո Դադիվանքի հարակից տարածքներն անցել էին ադրբեջանական հսկողության տակ և եկեղեցու տարածքը հսկում էին ռուս խաղաղապահները։
