29.04.2024 | 22:05
Ինչ է ասել Փաշինյանը կիրանցիներին. Գեղամ Նազարյանը մանրամասնում է. ՏԵՍԱՆՅՈՒԹ
Պոզիտիվ խաղաղության ինդեքսով երկրների վարկանիշում ՀՀ-ն Եվրասիայում 2-րդ հորիզոնականն է զբաղեցրել․ Positive Peace Report
Քաղաքականություն
16.04.2024 | 14:32
Պոզիտիվ խաղաղության զեկույցի (PPR) համաձայն՝ Հայաստանը վարկանիշային աղյուսակում զբաղեցրել է 54-րդ հորիզոնականը։ Համապատասխան զեկույցը հրապարակել է «Էկոնոմիկայի և խաղաղության միջազգային ինստիտուտ» (IEP) միջազգային վերլուծական կենտրոնը:
Հայաստանի PPR ցուցանիշը 2013 թվականից ի վեր բարելավվել է 9,2 տոկոսով, արդյունքում Եվրասիայի տարածաշրջանում մեր երկիրը զբաղեցրել է 2-րդ տեղը։ Զեկույցում նշվում է, որ վերջին տասնամյակում ՀՀ-ում Պոզիտիվ խաղաղության բոլոր ոլորտները բարելավվել են։
«Հայաստանում կոռուպցիայի դեմ պայքարում առաջընթաց է գրանցվել, քանի որ երկրում վերջերս ստեղծվել է Կոռուպցիա կանխարգելման հանձնաժողով և ընդունվել են նոր օրենքներ՝ հակակոռուպցիոն ինստիտուցիոնալ շրջանակի բարեփոխման համար։ Այս նախաձեռնությունները նպաստում են 2013-2022 թվականներին կոռուպցիայի նկատմամբ 14,9%-ով վերահսկողության բարելավմանը։ Լեռնային Ղարաբաղի շուրջ Հայաստանի և Ադրբեջանի միջև առկա հակամարտությունը հանգեցրել է նրան, որ հայերի 80 տոկոսը լքել է տարածաշրջանը: Այս հակամարտությունը, ամենայն հավանականությամբ, լրացուցիչ ծանրաբեռնվածություն կստեղծի Հայաստանի համար և կարող է դժվարացնել դրական խաղաղության բարելավման ներկայիս մակարդակի պահպանումը»,- ասված է զեկույցում։
Դրանում նաև նշվում է, որ ամենամեծ բարելավումը գրանցվել է տեղեկատվության հասանելիության ոլորտում, որի արդյունքում Հայաստանի հեռահաղորդակցության ենթակառուցվածքի ինդեքսը բարելավվել է 35,4 տոկոսով 2013 թվականից ի վեր:
«Freedom House-ը հայտնել է, որ 2018 թվականի խորհրդարանական ընտրությունների քարոզարշավի ընթացքում մամուլի ազատության նկատմամբ էական սահմանափակումներ չեն եղել, և որ անկախ լրատվամիջոցները ներկայացնում են երկրում առկա տեսակետների բազմազանությունը»,- ասված է զեկույցում։
