Չինաստանի ղեկավարն ուկրաինական հակամարտության կարգավորման «չորս սկզբունք» է ներկայացրել

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Պեկինում Գերմանիայի կանցլեր Օլաֆ Շոլցի հետ հանդիպման ժամանակ Չինաստանի նախագահ Սի Ցզինպինը ներկայացրել է ուկրաինական հակամարտության կարգավորման չորս սկզբունք։ Չինաստանի պետական ​​լրատվամիջոցները նշել են «չորս սկզբունք՝ կանխելու ուկրաինական ճգնաժամի վերահսկողությունից դուրս գալը և խաղաղության  վերականգնումը», գրում է BBC-ի ռուսական ծառայությունը։

Սիի խոսքով՝ երկրները պետք է կենտրոնանան «խաղաղության և կայունության պահպանման ուղղությամբ և զերծ մնան եսասիրական շահեր փնտրելուց», ինչպես նաև «իրավիճակը սառեցնեն և կրակի վրա յուղ չլցնեն»։

«Մենք պետք է պայմաններ ստեղծենք խաղաղության վերականգնման համար և ձեռնպահ մնանք լարվածության հետագա աճից»,- ասել է Սին՝ նշելով, որ անհրաժեշտ է «նվազեցնել բացասական ազդեցությունը համաշխարհային տնտեսության վրա»։

«Չորս սկզբունքները» հետևում են անցյալ տարվա Պեկինի փաստաթղթին, որը հակամարտության «քաղաքական կարգավորման» կոչ էր անում: Մի շարք արևմտյան վերլուծաբանների կարծիքով՝ դա Ռուսաստանին թույլ կտա պահպանել գրավված ուկրաինական տարածքների մեծ մասը։

Արևմտյան երկրների ու Չինաստանի հարաբերություններն անհանգիստ ժամանակներ են ապրում։ Բրյուսելում մի շարք հետաքննություններ են իրականացվում արևային մարտկոցների, էլեկտրական մեքենաների և հողմային տուրբինների չինացի արտադրողներին պետական ​​օգնության վերաբերյալ:

Շոլցի հետ հանդիպման ժամանակ Սին ընդգծել է, որ «Չինաստանի և Գերմանիայի արդյունաբերական ու արտադրական շղթաները խորապես կապված են միմյանց»:

«Չինաստանի և Գերմանիայի միջև փոխշահավետ համագործակցությունը «ռիսկ» չէ, այլ երկկողմ հարաբերությունների կայունության երաշխիք և ապագա կերտելու հնարավորություն»,- ասել է Չինաստանի ղեկավարը։

Շոլցի հետ Պեկին է ժամանել նախարարների և գերմանական ձեռնարկությունների ղեկավարների մեծ պատվիրակություն։