16.12.2025 | 16:57
Վարչապետի գլխավորությամբ քննարկվել է հանրային կառավարման բարեփոխումների ընթացքը
ՌԴ-ն, Ուկրաինան և Թուրքիան համաձայնեցրել են Սև ծովում նավագնացության անվտանգության գործարքը, սակայն Կիևը վերջին պահին հրաժարվել է․ Reuters
Քաղաքականություն
16.04.2024 | 13:42
Ռուսաստանը, Ուկրաինան և Թուրքիան երկու ամիս շարունակ բանակցություններ են վարել Սև ծովում անվտանգ նավագնացության վերաբերյալ գործարքի շուրջ և մոտ են եղել փաստաթղթի շուրջ համաձայնության գալուն։ Այս մասին հայտնում է Reuters-ը՝ վկայակոչելով չորս աղբյուրների:
«Վերջին պահին Ուկրաինան անսպասելիորեն դուրս է եկել համաձայնությունից և գործարքը խզվել է»,- ասել է լրատվամիջոցի զրուցակիցներից մեկը։
Ուկրաինական կողմի դուրս գալու պատճառները հայտնի չեն։ Համաձայնությունը նպատակ է ունեցել երաշխավորել Սև ծովում առևտրային նավերի ազատ և անվտանգ նավարկությունը։ Ռուսաստանն ու Ուկրաինան պետք է երաշխիքներ տային, որ չեն կրակի ոչ ռազմական ապրանքներ տեղափոխող նավերի վրա, իսկ Թուրքիան հանդես է եկել որպես միջնորդ։
Լրատվամիջոցը նշում է, որ նման համաձայնագրի անհրաժեշտության մասին խոսել են ՄԱԿ-ում։ Փետրվարին ՄԱԿ-ի գլխավոր քարտուղար Անտոնիո Գուտերեշը նամակներ էր ուղարկել Ռուսաստանի և Ուկրաինայի նախագահներ Վլադիմիր Պուտինին և Վլադիմիր Զելենսկիին, ինչպես նաև Թուրքիայի նախագահ Ռեջեփ Թայիփ Էրդողանին՝ կոչ անելով ապահովել նավարկության անվտանգությունը Սև ծովում, որպեսզի առևտուրն ու սննդամթերքի մատակարարումները շարունակվեն:
Նշենք, որ անվտանգության երաշխիքները դադարեցին գործել 2023 թվականի հուլիսին, երբ Ռուսաստանը դուրս եկավ Սևծովյան հացահատիկային գործարքից։
