14.01.2026 | 22:56
Եթե այստեղ հասել ենք, կարող ենք մեծ հաջողություններ ունենալ․ ԿԳՄՍ նախարարը՝ ֆուտզալի Հայաստանի հավաքականին
Քիրբին Իրանի դեմ Իսրայելի պաշտպանությունն անվանել է «անհավանական ռազմական ձեռքբերում»
Քաղաքականություն
14.04.2024 | 19:00
Սպիտակ տան ազգային անվտանգության հաղորդակցության հարցերով խորհրդական Ջոն Քիրբին ողջունել է Իսրայելի կարողությունը` Իրանի հրթիռային հարձակումների մեծ մասը կանխելու գործում՝ այն անվանելով «անհավանական ռազմական ձեռքբերում». փոխանցում է The Hill-ը։
«Այն, ինչ Իսրայելը ցույց տվեց անցած գիշեր, ինքնապաշտպանության անհավանական կարողություն էր: Երեկ բավական ուշագրավ էր հենց նրանց սեփական ռազմական գերազանցությունը։ Նկատի ունեմ, որ վնասն անսովոր թեթև է եղել»,- ասել է Քիրբին NBC News-ի «Meet the Press»-ի եթերում:
Հարցին, թե արդյոք նա կարծում է, որ հարձակումները կարող են ավելի լայն տարածաշրջանային հակամարտության վերածվել, Քիրբին ասել է. «Նախագահը չի հավատում, որ պետք է գնալ այդ ուղղությամբ»։
«Մենք չենք ցանկանում տեսնել այս էսկալացիան։ Մենք Իրանի հետ ավելի լայն պատերազմի չենք փնտրում։ Կարծում եմ՝ առաջիկա ժամերն ու օրերը մեզ շատ բան կասեն»,- նշել է պաշտոնյան։
Ակնկալվում է, որ նախագահ Բայդենը կիրակի օրը տեսակոնֆերանս կանցկացնի՝ քննարկելու դիվանագիտական պատասխանը:
Քիրբին նշել է, որ Իսրայելն Իրանի դեմ ցանկացած հակահարձակման վերաբերյալ ինքնուրույն պետք է որոշում կայացնի:
