04.06.2026 | 22:22
Սամվել Կարապետյանը հաղթելու է և տեղափոխվի Հայաստան. Նարեկ Կարապետյան. ՏԵՍԱՆՅՈՒԹ
Ավելի մասշտաբային ու ընդգրկուն. «LEASING EXPO 2024»-ը` Մերիդիան ցուցահանդեսային կենտրոնում. ՏԵՍԱՆՅՈՒԹ
13.04.2024 | 20:03
«Մերիդիան» ցուցահանդեսային համալիրն այսօր կրկին մարդաշատ է. տարածաշրջանային խոշոր՝ «LEASING EXPO» ցուցահանդեսի երկրորդ օրն է։ «Big Projects» ընկերության կազմակերպած 10-րդ ցուցահանդեսը մեկ հարկի տակ է հավաքել խոշոր կազմակերպությունների, որոնք ներկայացնում են 100-ից ավելի բրենդներ՝ ֆիզիկական և իրավաբանական անձանց առաջարկելով տարատեսակ սարքավորումներ։
Այցելելով «LEASING EXPO» ցուցահանդես՝ կարող եք ծանոթանալ տեղական և միջազգային շուկայի տեխնիկական ու տեխնոլոգիական նորարարություններին և առաջարկներին, ձեռք բերել վերջին սերնդի նորագույն սարքավորումներ՝ հատուկ առաջարկներով և շահավետ համագործակցության հնարավորությամբ։ Էլեկտրոմոբիլների վաճառքով զբաղվող «ABC Motors» ընկերությունը էքսպոյին ներկայանում է լիզինգի շահավետ առաջարկներով՝ տարեկան տոկոսադրույքը սկսած 0,1 տոկոսից։
«Smart GPS» ընկերությունն ավտոտրանսպորտային և տեխնիկական միջոցներ ունեցող ընկերություններին և անհատներին առաջարկում է խնայել ֆինանսական միջոցները, ժամանակն ու ռեսուրսները և առավել արդյունավետ կառավարել դրանք: Էքսպոյի շրջանակներում ընկերությունը ներկրել է նոր սարքավորումներ՝ հատուկ գնային առաջարկներով։
Արևային համակարգերի տեղադրմամբ զբաղվող «Արև էներջի» ընկերությունը ևս էքսպոյի շրջանակներում հանդես է գալիս հատուկ առաջարկներով: Ընկերության ներկայացուցչի խոսքով՝ մեկ օրվա ընթացքում 6 պայմանագիր են կնքել, ինչը խոսում է «LEASING EXPO»-ի հաջողված լինելու մասին։
Նախագծման, մատակարարման և տեղադրման ոլորտում մասնագիտացած «DSVent» ընկերությունը «LEASING EXPO»-ին մասնակցում է արդեն երկրորդ անգամ։ Ինժեներական ընկերությունը Երևանում գործունեություն է իրականացնում արդեն երկու տարի և հասցրել է հետաքրքիր նախագծեր իրականացնել։
Հայաստանում CHIORINO բրենդի ներկայացուցիչ «RotoTEC» ընկերությունը մասնակցելով «LEASING EXPO 2024»-ին՝ ակնակալում է ձեռք բերել նոր գործընկերներ և հաստատել երկարաժամկետ համագործակցություն։
Բոլոր սարքավորումները մեկ հարթակում ցուցահանդեսի գլխավոր հովանավորներն են «Premium Machinery Armenia» և «EcoVille» ընկերությունները, հովանավորներն են «Armenian leasing» ու «Sino Armenia» ընկերությունները։ Երկրրոդ տարին անընդմեջ անցկացվող «LEASING EXPO 2024»-ի մուտքն ազատ է, ցուցահանդեսը բաց է մինչև ապրիլի 14-ը՝ ժամը 20։00-ը։
Մամրամասները` տեսանյութում:
Արփի Հակոբյան
