19.02.2026 | 20:38
Կոնֆերենցիաների լիգա․ «Նոայի» մեկնարկային կազմը «ԱԶ Ալկմարի» դեմ խաղում
Թեհրանը դեմ է Հարավային Կովկասն աշխարհաքաղաքական մրցակցության դաշտի վերածելուն․ Իրանի ԱԳՆ-ն՝ բրուսելյան հանդիպման մասին
Քաղաքականություն
10.04.2024 | 10:05
Իրանը զգուշացրել է՝ զերծ մնալ Հարավային Կովկասը արտատարածաշրջանային տերությունների աշխարհաքաղաքական մրցակցության ասպարեզ դարձնելուց։ IRNA-ի փոխանցմամբ՝ Իրանի արտգործնախարարության խոսնակ Նասեր Քանանին պարզաբանել է իր երկրի դիրքորոշումը Հարավային Կովկասի տարածաշրջանի հետ կապված՝ ի պատասխան Բրյուսելում Հայաստանի, ԱՄՆ-ի և Եվրամիության միջև ապրիլի 5-ին տեղի ունեցած եռակողմ հանդիպման վերաբերյալ բարձրացված հարցին։
Քանանին ընդգծել է տարածաշրջանային համագործակցության կարևորությունը Կովկասում խաղաղության և կայունության հաստատման գործում, նաև շեշտել տարածաշրջանային կարողությունների, այդ թվում՝ «3+3» ձևաչափի օգտագործման անհրաժեշտությունը՝ չլուծված վեճերը լուծելու համար:
«Իրանը բազմիցս իր աջակցությունն է հայտնել տարածաշրջանի երկրների տարածքային ամբողջականությանը և իրենց հողի վրա ինքնիշխանության իրավունքին՝ առանց միջազգայնորեն ճանաչված սահմանները փոխելու։ Այն նաև բազմիցս կոչ է արել Ադրբեջանին և Հայաստանին՝ իրենց վեճերը լուծել երկխոսության միջոցով»,- ասված է հայտարարությունում։
